K3RMAL3M

Kәrmalәm- adә gulle fange
Kәrmalәm- cida kam kanadi yabe
Kәrmalәm cida zadә bawa dunyalan
Kәrmalәm- cida wushe bawa
Kәrmalәm- sai kanadi
 
 
Kәrmalәm- majirnәm isәm malәmnәmaro waljin
Kәrmalәm- futә dunya rukin adә
Kәrmalәm- sambi mangәrnәmin
 
 
Kәrmalәm- bune ba kausu baro cida kәrabe dimin
Kәrmalәm- awa tadabe nyiya wazәna buladigalan
Kәrmalәm- awa tadabe nyiyamәradәgәna burnilan
 
 
Kәrmalәm- taa tai tada lade
Kәrmalәm- amnyalantәdin ba
Kәrmalәm- kara’a ndunәmma ba lan
Kәrmalәm- kadkadәga kanzagakolozai
Kәrmalәm- cidawa donyi lardәbe goniyima
 
 
Kәrmalәm- rasai laira donyi
Kәrmalәm- zazza sawandin
Kәrmalәm- fandinza gade ba
Kәrmalәm- kәntawu dalilnzәma
 
 
Kәrmalәm- kalkalro sawandin
Kәrmalәm- kuwa kuta korondima
Kәrmalәm- Ala nyiro kanadi sәrra
Kәrmalәm- kәnasar sәwandin.

Leave a Comment

Your email address will not be published. Required fields are marked *